Sápmi

Javascript är avstängt

Javascript måste vara påslaget för att kunna spela video
Filmmas: Moattis dain evttohasain muitalit sin deháleamus válgajearaldagaid birra. Foto: SVT

Farggá leat EU-válggat – vihtta sámi evttohasa servet

Publicerad

9 beaivvi geassemánus leat EU-parlameanta válggat.

Vihtta sámi evttohasa Ruoŧas servet.

-EU ii álo ipmir makkár ovdehusat mis leat davvi Ruoŧas, dadja Isak Utsi (S), Árjjepluovve.

22 beaivvi miessemánu rájes gitta válgabeaivái 9 beaivvi geassemánus sáhttá jienastit EU-válggaide. Válggalisttuin Ruoŧas gávdna vihtta sámi evttohasa.

Mii sis lea oktasaš lea ahte sii háliidit loktet áššiid mat gusket davvi Ruoŧa.

-Eambbo mearradusat váldojuvvojit EU-parlameantas ja danin lea dehálaš ahte gávdno sámi jietna doppe mii ovddasta min dáppe davvin, dadja Henrik Blind (MP), Johkamohkki.

”Min jietna ferte gullot váccáhagain”

-Krister Pounu (KD) Gironis lea seamme mielas muhto son atná ahte EU ii galggá seahkanit áššiide ja detálljaide maid galggaše meannudit nášuvnnalaš dásis.

-Mon anán ahte lea dehálaš ahte min oassi Ruoŧas duođas beassa oidnot doppe maid, dadja Krister Pounu ja joatka:

-Muhto sii eai galggá seahkanit áššiide mat gusket earret eará bargoáiggiid ja vuovdedoaimma.

Isak Utsi (S) atná ahte sámi jienat fertejit gullot olu eambbo Bryssela váccahagain go váldet mearradusaid mat váikkuhit Sámi.

-Máŋgasat gehččet davvi Ruoŧa dál go nu olu dáhpahuvvo dáppe, son dadja.

Eará sámi evttohasat leat karin Thomasson (MP) Staare, ja Niklas Sarri (SD) Giron.

Så arbetar vi

SVT:s nyheter ska stå för saklighet och opartiskhet. Det vi publicerar ska vara sant och relevant. Vid akuta nyhetslägen kan det vara svårt att få alla fakta bekräftade, då ska vi berätta vad vi vet – och inte vet. Läs mer om hur vi arbetar.