Kerstin Andersson lea berošteaddji Amnesty Sámis, muhto son lea maid čállán girjjiid iežas vuovdesámi bearraša birra. Maŋemuš njeallje jagiid son lea bargan ahte oažžut Unna Sájvva oaffarláhjiid ruovttoluotta Sápmái.
-Dat lei oaffarbáiki mii roggojuvvui 1915, lei okta dain riggáseamos oaffarbáikkiin Sámis, dadja Kerstin Andersson guhte oaivvilda ahte dolvo badjel 600 dávvira Unna Sájvvas.
Háliida ahte Ájtte galgá hálddašit
Dál lea Kestin Anderssones ja máŋga earain geain leat duogaš Unna Sájvvas, stuora doaivu ahte dávvirat galget máhcahuvvot. Reivves maid leat sádden Stáhta historjjálaš museaide čuožžo erret eará:
-Min háliidit ahte Ájtte duottar- ja sámimusea Johkamohkis galgá hálddašit daid oaffarláhjiid.
Reivves lea vuollaičálus 40 sápmelaččain geain lea duogáš giliin birra dan oaffarbáikki Unna Sájvvas.
Čujuha ON-artihkkalii
Reivves sii čujuhit ON:a eamiálbmot julggaštussii, artihkal 12 jelgii galget stáhtat bargat dan vuostá ahte addit boađa ja máhcahit seremoniijalaš dávviriid.
-Dát dávvirat fertejit beasat ruoktot Sápmái, dadja Kerstin.
Reive sáddejuvvui Stáhta historjjálaš museaide 29 beaivvi cuoŋumánus, ja beaivvi maŋŋel ožžo jo vástadusaElisabeth Regneris, ossodatjođiheaddji Stáhta historjjálaš museain.
-Stáhta historjjálaš museat duođaštit ahte doaimmahanváldi lea vuostaiváldán din gohččumusa ahte máhcahit Unna Sájvva oaffarláhjiid Ájtte duottar- ja sámimuseai, čállá Elisabeth Regner, ossodatjođiheaddji Stáhta historjjálaš museain.
”Issoras buorre ođas”
Dál vurdot máŋga iskkanlávkkit ovdal go dávvirat besset ruoktot Sápmái, muhto Kerstin Anderssones lea buorre moktá ossodatjođiheaddji vástádussii.
-Dat lea issoras buorre ođas, muhto ii dušše midjiide. Jos mii lihkkostuvvat oažžut ruoktot olles dan stuora Unna Sájvva čoakkáldaga de dat boahta vissasit šaddat álgu olu eambbo máhcahusaide, dadja Kerstin.