Bellodaga ovddastii jođiheaddji ja riikabeailahttu Märta Stenevi ja ovddeš kulturminister Amanda Linda ja Johkamohki gieldaráđđi Henrik Blind.

Bellodat áigu joatkit áššiiguin, maid ledje bargamin go ledje ráđđehusas, ja mat eai ollašuvvan, nugo ILO-soahpamuša 169, sámi stáhtačállidoaimma ráđđehussii ja Giron Sámi teáhter nationálascenan.   

Manin dál ovdanbuktibehtet áigumušaide, válggaid maŋŋá?  

– Mii leat hábmemin min boahtte áiggi politihka boahtte válggaide ja ráđđehus lonuheapmái, ja ahte mii fertet hábmet iežamet sámepolitihka ollislaččat. Nugo vuđolaš vuoigatvuođaid ja eará vuoigatvuođaid nannet lágas, mat buoridit sámi eallima ja kultuvrra Ruoŧas, muitala Märta Stenevi.  

Birasbellodaga deháleamos bargu lea álbmogis oažžut doarjaga sámi áššiide.  

– Mii vásihat ahte maŋimuš jagiid leat eanet dohkkehišgoahtán sámi vuoigatvuođaid ja mii ferte čájehit dát leat politihkalaš áššit. Dat lea dehálaš historjá maid fertet oahpahit Ruoŧa álbmogii, olbmot fertejit áddet váikkuhusaid ja buoret boahtte áiggi hábmet, dadjá Märta Stenevi.