Várdduo dutki Charlotta Svonni lea easkaládje ožžon IASC:s Indigenous Fellowship. Su iežas dutkan lea gis guovdilasttán skuvlla oahppaplánaide ruoŧa bealis. Das son oaidná čielga hastalusa movt oahppaplánat leat ovddiduvvon jagiid mielde.

”Sápmelaččat assimilerejuvvot skuvllas”

Ovdal gávdnojedje njeallje oahppaplána, sierra ohppaplánat sierra skuvllaide. Dál lea duššefal okta mas lea ulbmil ahte galga heivet buohkaide.

Sáhttá vejolaččat leat buorre eanetloguálbmogii, muhto šadda hástalussan sámeskuvllaide, vihkkedalla Svonni.

”Dárbbašit beassat váihkkuhit oappaplána”

Son oaivvilda ahte sámi kultuvrra iešvuohta láhppo.

Ovdal besse sámeskuvllat čalmmostahttit sámi geahččanguovllu sierra ávdnasiin. Ovdal sáhtii ovdamearka dihte čatnat biologiija ja enadiehtaga sihke sámi servodahkii ja boazodollui. Odne lea dušše giellaoahpahus guhte earuha sámeskuvllaid eará skuvllain, gávnnaha son.

-Sámegielat leat deaŧálaččat, muhto dárbu lea maid ahte ávdnasiin lea sámi geahččanguovlu, dadjá Charlotta Svonni.

Son joatká:

-Dárbbašivčče maid oahpahit eará ávdnasiid sámi vuolggaguovlluin. Das galggale sápmelaččat beassat váikkuhit oahpahusa sisdoalu otná sápmelaččaide.