Sisáboahtu “Frost” ja “ Frost 2” filmmas lea badjelaš 28 miljárda ruvnno ja leaba šaddan okta dain buot beakkáneamos animašuvdnafilmmat.
Árabut dán jagi bođii diehtu ahte filbmaráiddus boahtá vel okta filbma “Jikŋon 3” ja gullo ahte boahtá almmustuvvat 2025:s.
Eanet detáljaid filmmas dego sisdoallu ja geat bagadallit leat ii leat vel čielggas.
”Liikojin fitnat Norggas”
Muhto Peter Del Vecho guhte buvttadii goappás filmmaid dadjá Aftenposten aviisii ahte son háliida joatkkit dáinna lihkostuvvan ovdánemiin- gos produkšuvdna gulaskuttai earet iežá sámedikkiin.
– Mun liikojin fitnat Norggas ja jus mis livččii vejolašvuohta fas vuolgit dohko de mii dieđusge livččiime dahkan dan, son dadjá.
Ja ovdal “ Frost 3” filbma lea válmmas de Disney-hoavda duođaštii ahte leat buvttadeamean maiddai“Frost 4” -
– Muhto mus ii leat nu olu muitalit filmmaid birra juste dál, son dajai skábmamánu gaskamuttus.
”Lea oavdu”
Jennifer Lee guhte čálii sihke mánusa ja bagadalai “Frost”filmmaid oaivvilda ahte ii sáhte geardduhit.
– Ii sáhte čevlohallat. Ferte oadjebasvuođain oaidnit filbmabarggu. Lea oavdu ahte filmmat oba dahkkojuvvojit ge. Filmmat leat hui váddásat, ja mii bargat hui garrasit daiguin, son dadjá TT:i.
Dál son lea alimus hoavda Disney animašuvdnafilmmain ja bargá buvttadeaddjin gos geahččá bearrái visot filmmaid mat dahkkojuvvojit ja planerejuvvojit.
Dát dagáha ahte sus ii leat asttu bagadallat boahtte Frost filmma.