Maid Sápmi dutnje mearkkaša?

– Sápmi lea ruoktu ja mearkkašupmi dan mielde: Oadjebas ja ráhkis guovlu, váimmustan lahka. Sápmi du eallin lea boazu.

Mii lea buoremus leahkit sápmelaš?

– Sápmelačča eallin dat lea biegga ja cizáža. Buoremus lea ráfi, eallin ja dearvvuohta.

Gii lea du ovdagovva?

– Enná, mu eadni lea stuorra ovdagovvan. Sihke oskolaččat ja čehpodaga dáfus. Sus lea olu máhttu min máttuid ja dološ áiggid birra. Čeahppi sogaid dovdat ja dutkat. Ja oskolaččat son lea oadjebas dasa ahte Ipmil min várjjala ja veahkeha.

Maid leat álo hálidan almmolaččat dadjat, muhto it leat dahkan ovdal go dal?

– Na dan ahte Násáreálaš Jesus Kristus gulai eamiálbmot čerdii. Son elii servvodagaš gos su álbmogat ledjet unnitlogus. Romálaččat ledjet okuperen sin eatnamiid. Ja go oskolažžan odne jáhkán ahte Jesus ain odne eallá ja oaidná ja dovdá min, de dat lea stuora moktan ja illun mu oskubálgá mátkkis. Jáhkkit dan ahte son veahkeha sápmelaččaid ja buohkaid geat ohcalit su.

Loahpas, geasa háledat sáddet dearvvuođaid?

– Dearvvuođaid ennái Sohpparis, stuor'oabbái Márehii, iežan nebiide Gironis, beláide, muoháide ja enoide. Ja iežan buorit ja boares olbmáide, mat leat dávjá jurdagis ja muittus vaikko ean leat gulahallan rájo guhkes áigái.