Guovvamánu 9 beaivvi gávdne golbma jápmá bohcco moadde kilomehtara davvelis Upmeje. Jápminsivva ii leat čielggas, muhto orro dego leat čuggen bohccuid čeabehiid.
Maŋŋel dáhpáhusa oidnui filbma biilavuodjingilvvu forumis gos bohccot biidnašuvvet maŋŋel go leat vuojahallon. Čearru dadjá ahte filbma čájeha seamma bohccuid maid gávdne jápmán.
Dievdu áššáiduhtto
Okta dievdu lea dál áššáiduhtton roaves eallibiinnideamis ja vahágahttimis. Ii leat diehtu maid dievdu dadjá áššáiduhttima birra. Poliissat galget jearuhit su gaskavahku – dievdu ii leat vel dieđihuvvon ahte várohuvvo vearredagus.
– In leat geargan hupmat iežan áššehasain, dadjá Jan Erik Jonasson, dievddu advokáhtta.
SVT lea ohcan áššeguoddi Anna Nilssone gii jođiha ovdaguorahallama, muhto son ii searvva jearahallamii.
”Áššeguoddi ii sáhte vástidit jearaldagaide mat gusket guorahallamii ovdal go leat doallan gažadeami”, čállá Áššeguoddieiseváldi e-poasttas.