Julevu teknihkalaš universiteahtta leat námmádan njeallje gudnedoakrára ja okta dain lea journalista ja girječálli Elin Anna Labba.

Son lea čállán girjjiid ”Hearrát dat bidje min ” ja ”Ale mana merriii” ja lea nammaduvvon filosofie gudnedoavttirin, earret eara go son lea movttidahttan lohkkiid girjjálaš ja álbmotoahpaheami oktavuođas.

-Lea hirbmat mávssolaš ja erenoamážit go námmádeapmi lea mu eatnovákkis. Universiteahtta maid lea seamma čázi guoras gos mon lean vuolgán ja man birra mon čálán, son dadja preassadieđáhusas ja joatká:

-Dáid máŋŋemus logi jagis mon lean deaivan nu ollu vuoras sápmelaččaid main lea nu ollu máhttu, eanet go ovtta universiteahtas. Mon ferten sin giitit buot máhtu ovddas ja dá lea maid nammadeapmi vuorrasat sápmelaččaid máhtus – Sámi muitalanakademiija gudnejahttin mainna mus lea ovdamunni ovttas bargat.

Ráidotevdejeaddji Mats Jonsson, mii 1998 almmuhii ráidoromána ”Unga Norrlännigar”, nammaduvvo Mittuniversiteahta gudnedoavttirin.