Máŋga Sámedikki bargi váruhit losses bargodili Sámedikkis
– Olbmot leat nu oskkáldasat,, dat ii leat leaika man buorit sii leat Sámediggái, dadjá okta bargi
Sámedikki 2023 bušeahtavuođđustusas boahtá ovdán ahte Sámediggi dárbbašivčče 9 miljovnna lassin jos galggašit doaimmahit dálá bargguid, bargoveaga ja álbmotválljen doaimma.
Saco fágasearvvi jođiheaddji Peter Benson čilgehus huššadillái lea ahte bargonoađđi lea lassánan ja hálddahus ii leat ožžon eanet resurssaid. Ja lohká ahte hoavddaid heaitin ii leat duogáš dása – eat geargga bargat buot bargguid, earret eará ráđđádallanortnega, mii lea Sámedikkis.
– Mun anán dan stuorát váttisvuohta, go ahte hoavddat heitet. Mii leat ovdal vásihan ahte máŋga hoavdda leat šaddan heaitit, dasa mii gal leat hárjánan, dadjá son ja joatká:
– Losses bargodilli ja hušša čuohcá eanet bargiide, čilge Peter Benson, Saco sátnejođiheaddji, mii lea okta guovtti fágaservviin Sámedikki hálddahusas
Lagabui 2 miljovnna ovddit hálddahushovdii
Bargonoađđi lea lassánan ja seamma áiggi leamaš stivrras riidu hálddahushoavddain. Ođđajagimánu loahpas soabadii stivra ja Fredrik Österling ahte son heaitá – ja Sámediggi šattai máksit lagabui 2 miljovnna liiggas bušeahtas mii lei juo vánis ovdalaččas.
Mo dát ruhtasupmi váikkuha Sámedikki doibmii?
– Mu mielas dát lea hui vahát. Mun anán ahte dát lea stivrra ovddasvástádus, dat lea dagahan iežas dán dillái, lohká Fredrik Österling.
”Munnje lea politihka deháleamos”
Maŋŋebárgga álgá dan jagáš vuosttas dievasčoahkkin Ubmis, sihke hálddahushoavda ášši ja bušeahtta leat áššelisttus, dieđuid maid SVT Sápmi lea ožžon
– Stivra lea árvvoštallan dán, ja mii fertiimet čoavdit ášši dán láhkái. Min mielas ii leat Sámediggi doaibman, lohká Håkan Jonsson.
Lars-Ove Sjajn lea gaskaboddosaš hálddahushoavda golggotmánu 31 beaivái, muhto Sámedikki fágasearvvit, Saco ja ST Sápmi eai leat ožžon dieđu hálddahushoavda rekruterenbarggu birra.