Gaskariikalaš unnitlogu spábbačiekčangilvvut ja joavkkuide guhte eai leat mielláhttut FIFA:s lágiduvvo nuppát gearddi nissoniidda.

Sápmi lea measstir go gilvvut dál lágiduvvojit Buddejus.

Guhtta jovkku gálge searvat muhto Davvicyper ja Kashmir leaba geassádan.

– Davvicypera-joavkkus leai váttisvuota oažžut visuma ja Kashmirjoavku, gos eanas čiekčit leat Bradfordas, Englánddas, šadde geassádit go sponsorat dan dahke, muitala Conifahoavda Per-Anders Blind NRK Sápmái.

NRK sádde čiekčamiid

Sápmi gilvala beassat máilmmimeasttiriin Tibete, Tamil eelam ja Szeklerland vuosttá. Sápmi galggai Tibete-joavkku vuosttá čiekčat distaga dii 23. 00, muhto čiekčama leat šaddan sirdit.

– Tibetjoavku maŋida go visumohčamušat eai dohkkehuvvon ovdal mánnodaga muhto mii goit geahččalit čiekčat máŋŋit dan eahkeda vai gaskaijá, dadja Per-Anders Blind.

NRK Sámi neahttasiidus sáhttá geahččat buot čiekčamiid ja finála lea geassemánu 8 beaivvi dii 14.00.

Álggos ledje Wilma Ritzen, Palm Beach Atlantic University, Frida Ritzen, BK Kenty, Eva Alida Eliasson, Umeå IK och Moa Öhman, Alingsås FC mielde ruoŧa joavkkus muhto mánnodaga bohte rievdadusat go Öhman ii searvva danin go son ii beasa gilvvuide iežas searvi dihte. Su sadjái boahtá Hilda Sundqvist.

– Mon in lean vuordán dan muhto lean dieđusge hui ilus. Lea hirbmat suohtas searvat dán jovkui, dajai Eliasson cuoŋománus SVT Sápmái.

”Mihttomearri lea golli”

Jenny Marie Mannsverk illuda measttirvuođagilvvuide.

– In leat goassege čiekčan sámijoavkkus ja danin lean nu ilus, rámis ja giitevaš oažžut dan dahkat.

Guokte jagi dás ovdal leai Elin Nicolaisen hárjehalli go sámijoavkkufaskastii golli.

– Mus leat vuordámušat . Go mii vuittiime Indias ledje máŋggat speallit dalle mielde joavkkus. Mii galgat dáistalit ja mihttomearri lea loahppačiekčamat ja golli nieiddaide, son dadja.