Studios leat dievva ivdnás čuovggat, dohkát, speadjalat, šattut ja dihtora ovddas čohkka Gaminghörnana ođđa prográmmajođiheaddji. Ole Nicklas Guttorm Mienna lea boahtán olles mátki Guovdageainnus TV-vissui Stockholmmas gos doallá njuolggosáddaga.
– Šaddá somá vástidit mánáid jearaldagaid ja dovdo miellagiddevaš ahte lea njuolggosátta.
Gaminghörnan lea njuolggosátta prográmma mas prográmmajođiheaddji ja guossit hástalit guhtet guimmiid spealain ja čálašit geahččiiguin. Geahččit sáhttet maid sáddet govaid ja váikkuhit mii sáddagis galgá dáhpáhuvvat.
– Mon sávan ahte sáhtán buktit energiija prográmmii ja ahte oaččun mátkái buriid ovttasdoaimmaid.
Guttorm Mienna háliida ahte prográmma galgá leahkit geahččiid birra, iige su.
– Mon hal dagan dán geahččiiguin, dat lea dat mii lea nu somá!
Gaminghörnan sáddejuvvo SVT Playas diibmu 17 – 19:00.