Matti Blind Berg tjadná biehtsedoaddjuma Hökvattsåan dálkádakrievddamij:
– Dát dáhpádus vuoset aht klimáhttá l rievddamin. Gå nåv ållo muohta dabrijt muorajda åni ájge milta vaj vihttalåk- tjuohte bietse doaddjuji sämmi bále ij la luondulasj.
Matti Blind Berg vuojnná gåk dálkádakrievddama ja ådåájggásasj miehttsetjuollama vájkut boatsojäládusáv.
– Uddni l dárbbo boahttsujt gerdan adnet ja dat la ållu gåbbmot. Boatsoj la judos mij luondugit guohtu friddjan ja nåvti galggá aj årrot boahtteájgen.
SCAa dåjmaåvddånime oajvve Ola Kårena mielas la tjäro åvdåsvásstádus gatjádit jus la dárbbo biedjamdagojs SCAa ednamijn. Blind Berg javllá dasi:
– Galggá diehttelis årrot tjärojda dahkat majt vierttiji boatsojäládusá ja judossuoddjema diehti, e galga dárbahit loabev dasi anodit.
