Stäng
Sápmi
Vindkraftparken på Fosen. Foto: Pressbild/Fosen vind

700 beaivvi gollan Fovse duomus

Publicerad

Otne leat 700 beaivvi gollan das rájes go Norgga alimusriekti celkkii ovttajienalaš duomu Fovse-áššis.

Dan oktavuođas čađahuvvo ohpihii miellačájeheapmi Oslos, duođašta nuoraidsearvvi Natur og Ungdom jođiheaddji Gina Gylver.

Okta gii dál lea ceggen lávu Stuorradikki olggobeallái lea Mihkkal Heatta.

– In leat dáppe dan dihte go mus lea miella, muhto dan dihte go stáda rihkku min álbmoga olmmošvuoigatvuođaid, čállá son iežas Instagram profiillas. Maiddái ahte lea dies dassážii go stáhta heaitá rihkkumis lága.

Alimusriekti celkkii ahte bieggafápmorusttegat leat lobi haga huksejuvvon Fovse njaarke boazodoalloorohahkii Trøndelága fylkkas, ja ahte huksemat rihkkot boazosámiid olmmošvuoigatvuođaid.

Sii leat sakka beahtahallan ja eddon go Norgga eiseválddit eai vel leat čuovvolan duomu ja ahte Norggas ain rihkkot olmmošvuoigatvuođaid, lohká Gylver.

Klassekampen áviisii dovddahit ráđđehusas ahte sii leat soabadallamiid bokte geahččaleamen gávdnat vugiid movt sáhttá eastadit olmmošvuoigatvuođa rihkkuma.

Relaterat

Så arbetar vi

SVT:s nyheter ska stå för saklighet och opartiskhet. Det vi publicerar ska vara sant och relevant. Vid akuta nyhetslägen kan det vara svårt att få alla fakta bekräftade, då ska vi berätta vad vi vet – och inte vet. Läs mer om hur vi arbetar.