Boahttte jagi leat čuoiganmeašttirvuođagilvohallamat Troanddimis ja sámi kultuvra galga leat oidnosis. Foto: TT

Bidjet ollu searaid sámi kultuvrii čuoigan-MM:as: ”Álbmotfeasta

Uppdaterad idag 08:16

Publicerad idag 08:07

Geahččit galget vuohttit ahte sii leat Sámis čuoigan-MM oktavuođas Troanddimis boahtte jagi. Dat lea ulbmilin go norggá sámediggi juolluda 500 000 norgga ruvnna guovtti sierra prošektii dalle go leat meašttirvuođagilvohallamat.

Badjel 100 000 bileahta leat juo vuvdojuvvon Troanddinriemuide. Go nu ollu olbmot galldeit gávpoga de sávvá norgga Sámediggi ahte geahččit maid galget beassat oaidnit makkar lea Sámis.

Danin sii juolludit 500 000 norgga ruvnna guovtti sierra prošektii meašttirvuođagilvohallamiid oktavuođas.

Davvisámegiella

Troanddin lea guovdu oarjánsámi. Dainna áŋgiruššamiin meašttirvuođagilvohallamiid oktavuođas háliidit mii čálmmustahttit sámi kultuvrra, dadja sámedikkiráđđi Maja Kristine Jåma (NSR) preassadieŋahusas.

Máŋga jagi go ledje sullásaš áŋgiruššamat

Ruđat juhkkojuvvo guovtti sierra áŋgiruššámiidda. Tråanten Saemien Dåehkie searvi ožžu 300 000 ruvnna bálkádit prošeaktakoordinatora meašttirvuođagilvohallamiidda. Son galga plánet ja lágidit sámi kulturdáhpáhusaid dalle.

Organisašuvdna Ski-VM 2025 ožžo 200 000 ruvnna diŋgot sámi artisttaid ja eará kulturbargiid.

-Eai leat ná stuora sámi kulturáŋgiruššamat leamaš gávpogis máŋŋel Tråante 2017. Meašttirvuođagilvohallamat bistet measta guokte vahku ja dalle lea álbmotfeasta. Šaddá buorre ja deaŧálaš čalmmustahttin ja min kultuvrra dovddasteamis riika stuorimus valastallanriemuin, dadja Maja Kristina Jåma.

Davvisámegiella

Relaterat

Storsatsning på samisk kultur under skid-VM: ”Folkfest”
Idag 06:00

Så arbetar vi

SVT:s nyheter ska stå för saklighet och opartiskhet. Det vi publicerar ska vara sant och relevant. Vid akuta nyhetslägen kan det vara svårt att få alla fakta bekräftade, då ska vi berätta vad vi vet – och inte vet. Läs mer om hur vi arbetar.