Fu-Gen fitnodat áigo hukset bieggamilluid Blåforsii/Stormyrbergetii Västerbottena leanas.

Olbmot Ålunde gilážis moitet bieggafápmofitnodaga Fu-Gen go sii ohcet eanaeaiggádiid ja fállet ruhtásummi jus johtilit vuolláičállet šiehtádusaid.

Hálidii lohkát šiehtadusa

-Sii ringejedje munnje ja hálidedje ahte vuolláičálán šiehtadusa, muhto mon dadjen ahte hálidan lohkat dan ovdal go dagan maidege. Sii dadje ahte mon oaččun 5000 ruvnnu jus dakkaviđe vuolláičálán.

Son maid moaitá go áigot hukset bieggamilluid guvlui.

-Dáppe leat sápmelaččain bohccot mat guhtot ja danin mii eat hálit bieggamilluid deike, dadja Joakim Påve.

Ohcala dieđu

Västra Kikkejaur čearus leat guohtuneatnamat ja johtolagat dan guovllus.

Ságadoalli Jonas Stenberg muitala ahte fitnodat ii leat váldán oktavuođa siiguin muitaleami sii huksenplánaid.

-Midjiide leat ássit dan áigeguovdilis guovllus muitalan huksenplánaid.

Ii leat vel dollovjuvvon oktasaš diehtojuohkinčoakkin.

Fu-Gen fitnodat lea váldán oasi moaitámušas, muhto eai hálit dadjat maidege áššiš.