Dáiddárat Lena Stenberg, Tomas Colbengtson, Anders Sunna ja Antonie Grahamsdaughter leat maid mielde ”We are still here” čájahusas mas lea rievddalmas fátta eamiálbmot ja rásisma.

Go Kestin Andersson leai beallešaddi de lávii gullat ”Báhčibehtet buot sápmelaččaid. Addibehtet bohccobierggu”. Dál oaidna ođđa buolvva bajasšaddat uhkádusaiguin ja vásiin.

– Skuvlamánát Gironis gáibidedje ahte sii eai hálit čohkkat seamme busses go ”Lappungar”, Kerstin Andersson dadja álgosártnistis ja čujuhii maid Rihkkoseastadanráđi maŋimus raporttii mii earret eara gieđahalla vaššerihkkomiid sápmelaččaid vuostá.

– Rihkkoseastadanráđi čállá ahte vaššerihkkon lassána go sámi rievttit dovddatuvvojit, Andersson dadja gii maid doaibmá Amnesty Sámis.

”Mii eat leat stereotiipat”

Čájahusa kuráhtor lea dáiddár Antonie Grahamsdaughter gii maid oasálasta čájáhusas. Son čájeha iežas veaga geat leat Kanada eamiálbogat.

– Gováiguin háliidan čájehit ahte mii leat dábálaš olbmot, eat makkarge stereotiipat. Govvá mis lea máŋgi eksotifierejuvvon, Antonie Grahamsdaughter dadja.

Dáiddár lea maid dá ovdal beroštan Frölunda searvvi symbolai, searvi mii ovdal leai Frölunda Indians.

– Frölunda jiekŋahockey molso symbola muhto Indianerna Speedwayadoalahit ain dan rásistalaš stereotiipa.

””Sáttán morášlaš”

Dáiddár maid moaitá ovtta tivolia mii govvida ameriika eamiálbmoga čuolbmás vuogi mielde.

– Leat maid hirbmat seksualalaš govat eamiálbmotnissoniin ja mon lean nu morášlaš go ollu illástuvvojit Ámeriikas, Antonie Grahamsdaughter muitala.

Čájahus Galleri tegenis Stockholmmas bisttá miessemánu 25 beaivái.