Sápmi
Här har spåren dränkts i vatten. Laara Gråik, renskötare i Jijnjevaerie sameby, oroar sig för hur det ska gå med renarna. Foto: PRIVAT

Dále čuoigá boazovázzi čahceborggas

Uppdaterad
Publicerad

“Gyda” nammásaš dálki ollii Jiemhtii duorastaga ja ikte, duorastaga dat váikkuhii guohtuma garrasit.

Boazovázzi Laara Gråik čuoiggai ealustis birra čahceborggas ja dál lea ballu mot guohtumin šaddá.

”Dál galgá ijáid veallat ja jurddašit mii dás gis boahta”, muitala son SVT Sápmái.

Golmmá čearus Norrbottenis leat juo guokte ohcán heahttedoarjaga dán jagi. Oarjančearut

eai leat vel dárbbašan dan dahkát. Muhto dál soaita dilli rievdat maŋŋel “Gyda” dálkki. Boazovázzi  Jijnjevaerie čearus, Laara Gråik bijai filmma sociála mediai gos son cuoiggai láhttus mii leai cáze vuolde.

– Dál lea hirbmadit arván. Dáppe láve muhtomin arvit dálvet muhto dál lea

eareliiggán ollu arván, ja dasalassin harvvii vel galbma muohttaga nala, muitala son.

– Got dát váikkuha bohccuide?

– Bohccot eai beasa bodnái jus jikŋo. Dál ii sáhte máidege dahkat, ii leat go vuordit ja oaidnit mii boađáše. Mis lea muohta, sulli 20-30 cm, muhto dat lea čađá njuoskkan arvvi geažil. Dál bosso hirbmadit ja dat soaita goikkadit muohttaga, muhto mon gal suran. Dát ii lean gal buorre. Ovdal Gyda-dálkki leai dálvi buorre Jijnjevaeries. Mannnán vahku leai buolaš, 30 buoláš gráda, ja orui mannáme bures.

Muhto Laara goit geahččala doallat movtta badjin ja skelmmosta.

– Leai gal dobádat. Ii lean Northuge leaktu, boagusta son.

Så arbetar vi

SVT:s nyheter ska stå för saklighet och opartiskhet. Det vi publicerar ska vara sant och relevant. Vid akuta nyhetslägen kan det vara svårt att få alla fakta bekräftade, då ska vi berätta vad vi vet – och inte vet. Läs mer om hur vi arbetar.