Gaskavahku čoahkkanedje oarječearut Norrbottenis Árjjátluovvái digastallat ođđa vuogi lohkat getkkiid DNA-iskosa vuođul.
– Mon balan ahte šaddda liigebargu midjiide vuodjit ja ohcat geatkebaikkaiid. Mis ii leat riekta asttu dan dahkat, dadja Mihkkal Kuhmunen, sátnejođiheaddji Sirges čearus.
Sámediggi ja Luonddugáhttendoaimmahat leaba álggahan barggu buoridit geatkelohkama Ruoŧas.
Otná vuogádagas galga ohcat biejuid ja go gávdna de ferte Leanastivra daid dohkkehit.
Čearut ožžot buhtadusa dain biejuin mat gávdnojit čearu siskobealde.
Alexander Winiger, ovddasvástideaddji boraspirelohkamis dadja ahte lea buorre diehtovuođđu go leat geahččalan lohkat getkkiid sihke DNA-iskosa ja biedjolohkama bakto.
-Biedjoohcan ii leat šat nu heivvolaš dálkkádatrievdama dihte ja go jurddaša duoddaris, dadja Alexander Winiger.
Mearradus ii leat vel váldon, dadja Robert Ekblom, gieđahalli Luonddugáhttendoaimmahagas muhto sis lea vuordámušat ahte lohkanbohtosat šaddet buorebut ja dássidit. Geatkelohkan dahkko ovttas Norggain ja gevttet seamma diehtovuođu ja vuogi.
– Dálvet galga ohcat luottaid skohteriin gos jáhkka leahkit getkkiid ja go áica geatkeluotta de čuovvut dan dassážii go gávdna baika vai cissa. De galga váldit iskosa ja sáddet dutkamii.
Leago čearuin ballu jus šadda ođđa lohkanvuohki?
-Lea álot ballo go šaddet rievdadusat. Olmmoš ferte jáhkkit ahte dás šadda buorre, dadja Mihkkal Kuhmunen.
