Gaskavahku lei nuppát ja maiddai maŋemus beaivi gearregis Alimus hálddahusduopmostuolus Gállokruvkki hárrái.
Luonddugáhttensearvi, Sirge čearru ja boazovázzi Siri Länta Jåhkågaska tjielddas vihtanasttii makkár váikkuhusat ruvki livčče dagahan boazodollui.
– Leat leamaš guokte guhkes beaivvit nu ahte dál šaddá buorre boahtit ruoktot. Lea leamas ballu movt galgá šaddat muhto mus lea maid doaivu ahte mii boahtit nagodit bissehit ruvkki, son dadjá.
De sáhttet boahtit
Jåhkågaskka tjieldda juridalas ovddasteaddji Camilla Wikland dovdá iežas duhtavaš gearregiiguin.
– Mii leat dadjan dan deháleamos- čielggadan movt dát livčče váikkuhan boazodollui, son dadjá.
Mii dál dáhpáhuvvá?
– Dal mii galgat sáddet sisa dievasmahttin cealkámuša, gos mii loahpahit min sága. De alimus hálddašanduopmostuollu boahtá almmuhit sin mearrádusa.
Goas sáhttit vuordit duomu?
– Berrešii boahtit moadde mánu geažis, dadjá Wikland.