Giron leai guhká molssáeaktu parlamenatavistái go ovddeš stáhatministtar Göran Persson 20 jagi dás ovdal mearridii hukset visti Sámediggái.
Muhto gávpotsirdima geažil ii mannán hukset dan eananbinná nala mii leai várrejuvvon ja 2019:s jienstii Sámediggi fas ja Giron ja Vualtjere vuiottáhalaiga dalle Staarii
2022:s sáddii Sámediggi ruhtáohcamuša ráđđehussii, muhto doppe ii gullo vel mihkkege.
”Áibbaš dohkkemeahttun”
Sámediggi, Staare gielda ja Mittuniversiteahtta leat dál ieža álggahan bargat dainna ja leat čoahkkinasttán ja digáštallan strategiijaid movt bággehit ráđđehusa bargagoahtit dainna.
-Lea gal okta áigi ahte mii oažžut vástádusa ja mon vuorddán ahte mii oažžut ruđa vai sáhttit álgit guorahallat parlamenatavisti huksema, dadjá Håkan Jonssone. Effie Korulos, okta dain golmmá gielddaráđiin lea ovttaoaivilis.
-Lea dokketmeahttun ahte eai vástit dán gažaldahkii, lea gollán juo máŋga jagi. Mii fertet dál duođas gáibidit vástadusa ráđđehusas, dadjá son.
Jonssone surra sihkarvuođas
Parlameantavisti lea maid deaŧálaš Sámediggái sihkarvuođa dihte. Dál dollet dievasčoahkkimiid miehtá Ruoŧas ja Örebroe dáhpáhusa maŋŋá gos logi olbmo masse heakkaset fuolastuhttá stivraságadoalli Håkan Jonssone.
– Dál mii doallat čoahkkimiid hoteallain miehtá Ruoŧa gos ii leat makkarge sihkarvuohta. Dát mii dáhpáhuvai Örebroas sáhttá maid dáhpáhuvvat Sámedikki dievasčoahkkimis. Jus mis livčči parlamenatavisti de mii leimmet hábmen dan nu ahte sáhtáleimmet váldit gusiid dohko ja doallat sihkkaris čoahkkimiid. Dat lea maid deaŧálaš ágga ahte mis lea parlameantavisti boahtte áiggis, dadjá son.