Stäng
Sápmi

Hálddahushoavdda buohccindieđiheapmi joatkašuvvá

Uppdaterad
Publicerad

Juovlamánus bođii mearrádus ahte Sámedikki stivrras eai leat doallevaš ákkat cealkit hálddahushoavdda Fredrik Österling virggistis. Dán mearridii Statens ansvarsnämd. Österling leamaš diimmá geasi rájes buohccindieđihuvvon. Dán vahkus livčče son galgan álgit bargat fas, muhto son lea fas buohccindieđihuvvon, duođašta Håkan Jonsson. 

Lars-Ove Sjajn lea doaibman adjásaš hálddadhushoavdan dássážii ja son lea virgáduvvon guovvamánu 12. beaivvi rádjái vuos hálddahushoavdan.  

Riidu lea guhkká bistán

Sámedikki ja Östrelinga gaskasaš riidu lea badjel jagi bistán. Earret eará váiddii Österling stivrajođiheaddji Håkan Jonssona bolesiidda korrupšuvnnas. Go son oaivvildii ahte stivrras ii leat lohpi virgádit bargiid. Boles ii gieđahallan váidaga. 

Sámedikki stivra háliidii cealkit hálddahushoavdda virggistis, muhto Statens ansvarsnämd ii miehtan dasa, go anii ahte stivrra eretcealkin ákkat eai leat doallevaččat, dan ektui mat gáibiduvvojit jos galgá sáhttit cealkit eret geange virggis. Iige boađe ovdan áššis ahte lea dušše Österling sivva ahte riiddut leat čuožžilan.   

Buohccindieđihuvvon geasi rájes   

Fredrik Österling leamaš buohccindieđihuvvon geasi rájes ja livčče galgan bargagoahtit ođđajagimánu 11 beaivvi. Muhto dál duođašta stivrajođiheaddji Jonsson SVT Sápmái ahte Österling lea dieđihan iežas buohccin.   

– Son dárbbaša čielga bargojuogu stivrra ja hálddahussii, mii lea stivrra ovddasvástádus ja mii hálddahusa ovddasvástádus. Ahte mis leat čielga njuolggadusat bargojuhkui, dajai Fredrik Österling maŋŋá Statens ansvarsnämnda mearrádusa. 

Relaterat

Så arbetar vi

SVT:s nyheter ska stå för saklighet och opartiskhet. Det vi publicerar ska vara sant och relevant. Vid akuta nyhetslägen kan det vara svårt att få alla fakta bekräftade, då ska vi berätta vad vi vet – och inte vet. Läs mer om hur vi arbetar.