Muhto go Ruoŧa ja Durkka oktavuohta lea hedjonan sakka, de Suopma soaitá rievdadit ja guođđit ulbmila ahte ovttas searvat Natoi jos Ruoŧa ohcan guozahuvvo menddo guhkká.   

Ii leat vuos gal ulbmil okto joatkit áššiin, dadjá Haavisto, muhto deattuha ahte sáhttet árvvoštallat ulbmila ođđasit, muitala Haavisto Ylii.  

– Diehttalasat fertet mii árvvoštallat dili jos Ruoŧa ohcan bisána guhkit áiggi, lohká Haavisto Ylii.  

”Stohket sihkkarvuođain”  

Daid maŋimuš vahkuid lea Ruoŧa ja Durkka oktavuohta hedjonan sakka. Durka lea garrasit moaitán guokte miellačájeheami Ruoŧas.  

Nugo Kurdalaš aktivistajoavkku Rojavakommitteaid miellačájeheami Stockholmas, mas heŋgejedje Erdogan lágan dohkká. Ja maiddái olgeš ekstremisttalaš politihkkára Rasmus Paluden korana boaldima Durkka ambassáda olggobealde  

Vuossárgga dieđihii Erdogan ahte Durka ii šat doarjjo Ruoŧa NATO miellahttuvuođa.   

Haavisto namuhii ruoŧa miellačájeheamit ja son atná ahte dát guozahit Suoma ja Ruoŧa Nato miellahttuvuođa.  

– Dat stohket Suoma ja Ruoŧa sihkarvuođain miellačájehemiiguin, cealká Suoma olgoriikaminister.  

Oktavuohta Suomain 

Ruoŧa olgoriikaminister Tobias Billström (M) lea maŋŋebárgga váldán oktavuođa Suoma olgoriikaministeriin.   

– Mis leat váldán oktavuođa Suomain ja gulaskuddat maid dat rievtti mielde oaivvildit   

– Ruoŧŧa gal dohkkeha Ruoŧa, Suoma ja Sverige Nato miellalahttuvuođa soahpamuša, dadjá Billström.