-Munno gaskkas lea čuožžilan lagasvuohta, oabbávuohta.

Salamanca muitalusat muittuhit mu iežan vásáhusaid. Munno duogáš nanne munno ja munno muitalusat čuvget vel šearradit go letne bálddalaga, muitala Sofia Jannok.

Čájálmasa sisdoallu vuolgá artistaguoktá vásáhusain, sogain ja sámi ja romalaš kultuvrras.

Riikarájit mat giddejuvvojit, bággojohtimat, sogat mat hádjosit, lágat mat stivrejit movt sáhtta eallit, vealaheapmi.

Visot dát guoska sámi ja romálaš servodahkii. Sudnos lea maid flamencogitárračuojaheadji Robert Svärd lávdde nala.

Luohti ja flamenco heiveba ovttas

-Juo vuosttaš hárjehallanbeaivvi fuobmáime man bures luohti heivii ovttas flamencoin. Don speaččut seammaladje ja seamma távttas. Leai hui álkit bidjat luođi go Salamanca speaččui iežas gieđaid, dajdja Sofia Jannok.

Mannán vahku álggi turnea ja bistá miessemánu gaskamuddui, Gironis gitta Malmöi.

-Mon válddán romálaš nomádaeallima ja ođástuhtán dan. Mon lean guođđan viessovovnna ja sirdán hoteallalátŋii. Mon lávllun ja čuojahan lávdde nalde nugo mu áhkku dagai albmotpárkain ja dánsunbáikkiin miehtá Ruoŧa, muhto mon dagan dan Riksteatera lávddi alde, muitala Taikon Gonzalez.

-Mus lea dál agebeaiolbmmái Salamanca ja su kultuvrra, muitala Jannok.