Gáktečájáhusa ođasmahttin álggahuvvui jagi 2020 álggus ja dat lea Intereg prošeakta mas Ájtte-, Siida- ja Saemien Sijte museat ja Lappi- ja Luleju Teknihkalaš Universitehtat leamaš mielde, muitala Ann – Chatrin Blind gii leamaš prošeaktabargin gáktečájáhusa ođasmahttimis. Ulbmil lea ođđaáiggi vugiid mielde muitalit gávttiid birra, mat leat Ájtte Sámi ja duottarmuseas. 

Prošeavttas muittut ja muitalit lea ulbmil ođasmahttit museaid čájáhusgiela ja dat leat váldán atnui digitálaveahkkeneavvuid, Lappi- ja Luleju teknihkalaš universitehtat leat ráhkadan digitálareaidduid čájáhussii. Dát lea rahpan ođđa vejolašvuođaid museaide čájehit ja muitalit gávttiid birra. Mas olbmot besset lohkat eanet iešguđetge guovllu gávttiid birra.