Mannán vahku čoahkkanedje máŋga čearu Norrbottenis Jiellevárrai ságastallan dihte ođđa vuogi birra movt lohkat getkkiid DNA-iskkosiid čađa.

Lei jo sáhka dan birra diibma go Sámediggi ja Luonddugáhttendoaimmahus leaba bargan ahte buoridit geatkelohkama riikkas.

Otna bargovuohki lea nu gohčoduvvon biedjulohkan. Álggus galgá gávdnat bieju ja dat galgá de dohkkehuvvot Leanastivrra bargiin. Guoskkevaš čearut ožžot de buhtadusa daid biejuid ovddas maid gávdnet boazodoalu guovllus.

Čearut moitet

Olu čearut moitet dan ođđa DNA-bargovuogi gos ieš galgá lohkat getkiid áppas.

– Eai sin šat loga meahcceealliid, háliidit lohkat sápmelaččaid áppaid čađa, dadja Stig Allas, meahcceealli oktiiheiveheaddji Dálmmá čearus ja joatka:

– Seammas sii eai stivre luonddubearraigeahččiid albmaládje, dámppas ii leat kapteaidna. Dat galgá stivret garrasit go lea meahcis.

Alexander Winiger lea ovddasvástideaddji stuora meahcceealliid lohkamusas Norrbottena leanastivrras ja son ipmirda daid váttisvuođaid.

-Dieđusge min ipmirdit jearaldagaid sekretessa ja integriteahtta birra. Min leat ságastan čovdosiid buriid ja heajos beliid birra, son dadja.

Šurra ahte dieđut mannet viidáseappot

Stig Allas háliida ahte gávdnet iežá vuogi mannat viidáseappot.

– Go lohkkojuvvo ahte lea gávdnan, de leat máŋga čearut válljen ahte ii searvat.

Movt din háliidehpet dát galggašii doaibmat?

– Jos galgá lohkat meahcceealliid DNA-guorahallamin de áppat eai galgga čájehit juste gos ja goas lea leamašan doppe, lea bahá ahte dat dieđut mannet vaikko gosa, son dadja.