Mánnodaga rajis leat guokte návddi leamaš báhtarusas Polar Parka elliidgárddis, Bearddu suohkanis, Norggas.
Muhto sotnabeaivvi vuostá báhččui okta dain guovtti návddis lahka párka.
– Váivi go šattai báhčit dan. Muhto loahpa loahpas fertiime dan dahkat, dadjá Ragnar Norum, Polar Parka stivraságadoailli, NRK Sápmái.
Mannán ijá báhččui dat nubbe návdi elliidgárddi lahkosis.
Sii vurde ahte návddit galggaiga boahtit ruovttoluotta valvái elliidgárdái.
– Návddit eai boađe olbmuid lusa ja leat eahpidahttit, mii livččiime dárbbašit olbmuid vai oažžut návddi dan siskit gárdái. Dat livččii leamaš olu bargu, lei bággu dahkat ná.
Elliidgárdi lea leamaš gitta dan rájes go návddit gárgidedje.