Sotnábeaiiđida gávdne golbma jápmá bohcco Kullaskogenis moadde kilomehtara olggobealde Ubmeje. Vaháigahttin-ilmmuhus lea vuostáiváldon. Dás várohit dovdameahttun vearredahkki lobihemiid goddán bohccuid.
– Árvihahtti leat bohccot báhččon mannan ijá, dadjá boazovázzi Johan Andersson, Ran čearus SVT:ai.
Ubmejepoliissat duođaštedje mánnodaga ahte golbma bohcco leat gottáhallan. Muhto sii eai sáhte vel dadját movt dat leat jápmán.
Galget iskkat materiála
Govat ja iežá materiála leat sáddejuvvon iskkamii. Poliissat eai háliit árvidit movt bohccot leat jápmán ovdal go ožžot bohtosiid.
– Otne min leat guorahallan muhtin áššiid. Min leat jearahallan olbmuid ja dokumenteren rihkkosbáikki dronain. Mis lea maid gulaskuddan čearuin, dadjá Sofia Karlsson, Ubmejepoliissa guorahallanjođiheaddji.
Ran lea okta dain guokte čearuin geat vuosttildeigga Rally Swedena sin guohtuneatnamiin. Čearru jáhkká ahte goddimis lea čanastat vuosttaldemiide.
Eai leat gávdnan eanet jápmá bohccuid
Boazovázzit eai leat gávdnan eanet jápmá bohccuid dán guovllus.
– Ii fal maid dieđan, dadjá Maidi Eira Andersson, čearu stivralahttu.
Son muitala SVT:ai ahte dát golbma bohcco gullojit dan siidii mii lea guovllus.