Girjerájusbusse Julla Májja nammaduvvui dán jagi mobiila girjerájusin 2023:s. Prošeakta oaččui Ruoŧa girku Sámi ráđi kulturbálkkášumi.
Busse lea maŋemus jagiid dárjon sámi girjjiid gávcci gildii Västerbottena siseatnamis. Sihke skuvllain ja boarrásiidsiiddain leat liikon dán doibmii.
– Dát lea divrras doaibma dáppe davvin, go sii bohtet lohkat boarrásiidda. Máŋga boarrása leat ilá geahnoheamit mannat bussii, muhto sii buktet girjjiid boarrásiidda, dadjá boarrásiidsiidda Saxnäsgårdena bargi Biblioteksbladetii.
Čujuhit ruhtadillái
Dál ii leat šat nu buorre dilli. Vualtjeren tjïelte lea geassádan ovttasbarggus.
– Mii sávvat beassat joatkit olgguldas ruđa vehkiin. Gielda lea ožžon jearaldaga ruhtadit girjerájusbusse iežas bušeahtain, muhto mis ii leat leamaš vejolašvuohta dan dahkat, dadjá gielddaráđđi Andreas Eliasson (S) Biblioteksbladetii.
Unnit ruhta prošektii
Seammás go Vualtjere álbmot ii oaččo sámi girjjálašvuođa seamma álkit, de addá maiddái dát geassádeapmi unnit ruđa prošektii. Ii leat čielgan váikkuhago Vualtjeren tjïelte geassádeapmi Julla Májja doibmii iežá gielddain.
– Mii leat ovtta oaivilis ahte lea dehálaš doaibma. Dál fertet gávdnat ruhtadeami, dadjá Kraapohke kultur- ja astoáiggehoavda Linnéa Johansson.