Sápmi
Anna-Karin Niia

Javascript är avstängt

Javascript måste vara påslaget för att kunna spela video
Foto: SVT

Politihkalaš riidu ja 30- jagi ávvudeapmi dán jagi maŋemus dievasčoahkkimis

Uppdaterad
Publicerad

Disdaga álgá dán jagáš maŋemus dievasčoahkkin ja politihkkarat čoahkkanit Ååres. Šaddá 30- jagi ávvudeapmi- muhto vurdojuvvo maiddai politihkalaš riidu čearuid siskkáldas organiserema birra.

Sámediggi galgá guođđit sisa sin cealkámuša čearuid siskkáldas organiserema birra muhto stivrra evttohus lea vuosttilduvvon. 

– Stivra ii leat ságastallan doarvái bures sápmelaččaiguin, eareliiggánit boazodoaluin dán áššis, dajai Guovssonásti sátnejođiheaddji Lars Miguel Utsi 15 Minuvtta Sámis prográmmas.  

Lea oadjebas mearrádusain

Jearaldat máhcahuvvui ruovttoluotta dievasčoahkkimis Árviesjávrris geassemánus ja dan rájes lea sámediggi ožžon guhkiduvvon áigemeari ja dál galgá cealkámuš sáddejuvvot sisa Skábmamánu 27 beaivvi.  

Sámiid Riikabellodat lea ovdagihtii juo almmuhan ahte sii bohtet bealuštit RSR:a evttohusa. 

 Stivrajođiheaddji Håkan Jonsson lea dán ráddjái leamaš oadjebas ahte stivrra mearrádus boahtá čađahuvvot.  

– Deháleamoš lea gulaskuddat gaskaneaset ja mii geahččalit ságastallat, son dadjá.  

Muhto stuora jearaldat lea jus Vuovdegat- Skogssamerna geat ieža čohkkájit stivrras bohtet dohkkehit evttohusa. Ovttas opposišuvnnain sii máhcaheddje ruovttoluotta ášši čilgemusain ahte jearaldat ii lean doarvai gieđahallon sámi servodagas.

30-jagi ávvudeapmi

Muhto eai leat dušše politihkalaš áššit dán vahkus. Gaskavahku lágiduvvo maiddai 30 jagi- ávvudeapmi vaikko ruhtadili ektui eai šatta nu stuora doalut. 

Ávvudeamis galget earret iežá Ragnhild Nilsson ja Ulf Mörkenstan doallat logaldallama ja Lars- Eric Åhrén boahtá čuojahit.

Relaterat

Så arbetar vi

SVT:s nyheter ska stå för saklighet och opartiskhet. Det vi publicerar ska vara sant och relevant. Vid akuta nyhetslägen kan det vara svårt att få alla fakta bekräftade, då ska vi berätta vad vi vet – och inte vet. Läs mer om hur vi arbetar.