Odne viháhuvvo Donald Trump Amerihká 47:et presideantan. Dáid maŋŋemus vahkuid lea son čalmmustahttán Ruonáeatnamá riikaidgaskasaččat ja fas cealkán ahte son hálida oastit sullo.
Son lea maid dovddahan ahte ii eahpit bidjat ekonomalaš ja militeara preassa Dánmárkku vuostá vai ožžo nuvt movt hálida. Dát lea dagahan ahte dánska ráđđhus lea ferten doallat heahttečoahkkimiid.
Ráđđehushoavda: ”Nanu ovttasbarggu”
Bearjadatijá servvai Ruonáeatnama ráđđehushovda Múte B Egede Fox Newsii ja bijái minerálaroggama, dorvvolašvuođa ja ovttasbarggu agendii.
-Din dorvvolašvuohta lea min dorvvolašvuohta ja nanu ovttasbagu min riikaid gaskka lea hui deatálaš.
Prográmmajođiheaddji Bret Baie loktii jearaldaga jus sáhtálii ameriihkálaš militearastašuvnna Pituffik Space Basepotentiálalaččat viiddidit, muhto Múte B Egede ii vástidan jearaldahkii.
Mii sáhttit digášstallat movt mii galgat sudjet min riika, din riika, Árktálaš guovlluid, Davvi-Amerihká ja olles dan oarjjimus lihtu.
Hálida álggahit minerálaroggamiid
Ruonáeanan halida alggahit minerálaroggamiid boahtte áiggis, muhto fitnodagat geat leat ohcan rogganlobi eai leat ožžon čujuhussan 2021 uranaláhkii- láhka mii gieldá rádioaktiivalaš uránaroggama. Muhto Múte B Egede goit sávai bures boahtima berošteddjiide.
-Mii dárbbašit háhkamušaid nannet ja viiddidit min ekonomiija, sihke Amerihkás ja EU:a.
Go lea sáhka suolo iehčanasvuođas de lea ruvkeealáhus maid guovddážis. Ráđđehushoavda lea geažuhan ahte galget čađahit álbmotjienasteami iehčanasvuođas 2025:s, ja dat vuortnuha ekonomija. Egede govkii uvssa Ámerihkii.
-Mis lea ollu dárjut ja mii leat gergosat vuostáiváldit Amerihká investeret min minerálaid.
”Mii eat hálit leat amerihkálaččat”
USA lea álot beroštan sullos ja juo 1940:s hálidii Amerihká presideanta Harry S Truman oastit sullo Danmárkkus. Čieža gearddi dan čieža minuvttasas jearahallamis Fox Newsiin deattuhii Múte B Egede ahte suololaččat eai hálit leat amerihkálaččat.
-Mii hálidit dadjat čielgasit ahte eat hálit leat amerihkálaččat, muhto mii hálidit baicce nanu ovttasbarggu, dadja son.
Dán vahku galleda SVT Sápmi Ruonáeatnama muitaleami ovdaneamis ja eamiálbogiid hástalusaid go máilbmi dáistala ruonáeatnalaš minerálain