Bolesat eai leat dahkan maidege nuoraid miellačájehanáššái departemeantta kantuvrrain  

Ella Marie Hætta Isaksen ja máŋga eará eai dohkket ahte bieggamillut leat ain Fovsen – njárggas Trøndelágas. 500 beaivvi leat gollan dan rájes Norgga Alimusriekti celkkii dán bieggafápmorusttet prošeavtta lobiheapmin ja dat rihkku álgoálbmot vuoigatvuođaid. Ain leat 150 bieggafápmorusttega dán guovllus.   

– Fovsen leat okta dain máŋga áššiin mat váikkuhit Sámi dál. Mun doaivvun Fovsen – duomu dagahit rievdadusa ja dat rievdada mo eiseválddit meannudit sámiid ja sámi áššiid, dadjá Ella Marie Hætta Isaksen.  

”Sillon ja denen”  

Su mielas lea dohkketmeahttun ahte sámit jámma šadde iežaset vuoigatvuođaid gozihit.   

– Boazodoallit leat sillon ja denen, čilge son.  

Ja lea guhká ráhkkanan miellačájehemiide.   

– Mun lean hárjehallan guhkká, muhto in leat goassege giddagassii biddjon dahje ahte bolesat leat dolvon mu eret. Dá lea vuosttas geardde munnje, muitala Ella Marie Hætta Isaksen, gii navdá bolesiid guoddit sin eret.  

“Ellos eadnu” filbma mii lea Álttá – báddadeami riidduid birra 40 jagi dassái, neaktá Ella Marie Hætta Isaksen Estera, gii lea okta dain nealgudeaddjiin Norgga Stuorradikki olggobealde. Dá lea son lea miellačájeheaddji.  

Ii leat vástádus

Oljo- ja energiijaminister Terje Aasland (Bb) deaivvadii miellačájeheaddjiin feaskáris.  

– Mun dieđán maid dii oaivvildehpet, muhto mus eai leat dieđut mii dáhpáhuvvá Fovsen – áššiin, earet ahte dat galgá vuđolaččat dahkkot, celkkii Terje Aasland miellačájeheddjiide.   

Dohkketmeahttun 

Stuorradikki áirras Lars Haltbrekken (SG) oaivvilda ahte lea dohkketmeahttun go ráđđehus bisset dán olmmošvuoigatvuođarihkkuma.   

– Mii doarjut miellačájeheaddjiid go gáibidit Fovsen bieggafápmorusttegiid eret váldima, NRK:i.