Dál oasálasttet sullii 150 olbmot dan golbma beaivvi guhkes konferánsas man nammá lea ”Insikt och utblick”.
Lágideaddji lea Várdduo – Sámi dutkama guovddáš Ubmeje universiteahtas ja ulbmil lea ahte čohkket dutkamiid sierra oahpposajiin, institušuvnnain ja orgánisašuvnnain.
Digaštallamat ja juohkin
– Min doaivva lea ahte oasalasttit ohppet dovdat guvtteguimmiid, digaštallet ja ohppet eanet guvtteguimmiid dutkama birra, dadjá Kristina Sehlin MacNeil.
Beroštupmi álgoálbmogiid áššiide lea lassánan ja okta ágga lea dat nu gohčoduvvon ruoná nuppástus davvin. Dat váikkuha sápmelaččaid eatnamiid ja ealahusaid ja dat lei mearkkašuhtti ášši konferánssas.
Dat ehtalaš jearaldagat ilbmet maid, dadjá Sehiln MacNeil.
Etihka mii guoská dieđuid gieđahallama
– Mii dutkat olbmuiguin eatge sin birra. Dutkanehtalaš bihttá lea álo mielas go bargat álgoálbmot dutkamin. Maŋemus jagiid leat maid áššit mat gusket dieđuid gieđahallama bohtán oidnosii, son dadjá.
Filmmas gulat manin ruoná nuppástus lea lokten beroštumi sámi dutkamii.