Silbačeahppi Torild Labba, Badje Sohpparis eret lea vuovdalan Johkamohki márkaniin sulli 40 jagi. Dalle álggus son leai dat áidna ja vuosttaš vuovdi.
De jagi maŋŋel ii lean šat okto vuovdaleami doppe skuvllas.
-Mii oinniime ahte dát lea juoga duojáriidda geat háliidedje vuovdalit iežase dujiid. Máŋŋel mii oaččuime stuorit laŋaid ja márkanat viido ja viido. De mii jođiime dohko gos mii dál leat, muitala Torild Labba.
Bivnnut duodjemárkan
Johkamohki márkanguossit geat háliidit oastit sámi duoji galledit dan jahkásaš duodjemárkana Sámij Åhpadusguovdásjis. Earret márkanat de lea maid skuvlla duodjeohppiin čájáhus seamma visttis.
– Lea hirbmat deaŧálaš márkan muinne, dadja Torild Labba geas lea bissovaš vuovdinbáiki váldouksaguoras.
”Lea hui hávski bargat silbbain”
Son ja moadde eará ožžo silbaoahpu ovtta silbačeahpis jahkásaš prošeavttas Gárasavvonis. Ja doppe ja dalle son liikostii silbii.
-Lea hui hávski bargat silbbain. Don beasat ieš mearridit movt ja maid galggat dahkat, muitala Torild Labba.