Mánnodaga mearridii Girona gielddastivra ahte gáhtat Girona ođđa guovddážis ožžot unnitlogugielat namaid.

Sámesearvvit oaivvildit ahte lea okta áigi ahte sámegiella oidnogoahtá gávppogis.

-Viimmat oažžut sámi namaid Gironii. Visot várit, leagit ja jeakkit leat sámegillii ja dál mis leat gáhtát maid sámegillii, dadjá Girona sámesearvvi ságadoalli Irene Kuhmunen.

Dalle sáhttá geavahit goanstajierpmi

Gáhttanammaprošeakta álggahuvvui vihtta jagi dás ovdal bargobájiin masa gielddapolitihkkarat serve. Ulbmil lea nammadit ođđa gáhtaid gieldda unnitlogugielaide namalassii sámegillii , meänkielii ja suomagillii. Dál dat viimmat ollašuvva.

– Lea hui buorre, Gironis orrot ollu sápmelaččat ja Giron lea unnitlogugielaid hálddašangielda. Kiruna lea Giron sámegillii ja dáppe mis lea Luossavárri ja Goddevárri ja iežá sámi báikenamat, muhto dat eai geavahuvvo, earret Luossávárri. Giron lea šaddan Kiruna, sámi namat rivdet go daid dadjá iežá gillii, dadjá Anna Sara Baer, Duoddarasa sámesearvvi ságadoalli.

Go mearridedje áššis de eai lean ovttamielalaččat. Muhtimat surre ahte lea váttis dadjat namaid unnilogogielaide.

-Ruoŧagielagat sáhttet geavahit goanstajierpmi (AI), dadjá Irene Kuhmunen.