Duorasdaga rabai Konstmuseet i Norr stuora dáiddáčájáhusa Gironis. Birrasii 40 dáiddára oassálastet njeallje čájáhusas sierralágán fáttas. Ođđa museahoavda Maria Lind čilge ahte stuora dáiddáčájáhus lea dego ođđaálgu go dáiddámusea ii doaibman ollenge nu got galggai vuosttaš njeallje jagi.

– Mii háledit ávvudit dáidága njeallje beaivvi ovttas dáiddáriiguin, ollusat leat sajis dáppe. Dat leat ovdánbuktimat, bargobajit ja ságastallamat. Mii loktet dálááiggedáidaga go dat lea nu buorre veahkehit olbmuid láhttet duohtavuođa ektui, dadjá Maria Lind.

Fredrik Prost ja Inga Wiktoria Påve leaba guovttis sámi dáiddáriin geat oassálastiba dáidágiin Observatoriet nammasaš sajis čájáhusas ”Dáidda ja eallin kritihkalaš duovdagis”. Oktiibuot leat logenar sámi dáiddára mielde čájáhusain.

Guovtti čájáhusaid, Formskön och funktionell: Jon Tomas Utsi ja Textil Magi sáhttá oaidnit gitta miessemánu lohppii. Ja dat iežá čavčča rádjái.

Videos bajil gulat eanet čájáhusa birra.