Čoahkkijođiheaddji Vinka giitá ja loahpaha dievasčoahkkima sárdnestuolus lullisámegillii.

Miige giitit go lehket oskkáldasat čuvvon raporterema! Čuovvovaš dievasčoahkkin dollojuvvo guovvamánu loahpas Ubmis. Dassážii čuovvut sámediggeságaid min ođassiiddus Sápmi | SVT Nyheter

Opposišuvnna Marita Stinnerbom ja Mikael Jakobsson reservereba iežaska mošuvdnamearrádusaide maid lávdegottit eai leat beassan meannudit.

Holst Vinka muitala bottus leamaš ávki ja dál son čilge ášši veháš hihttaseappot. Son árvala máhcahit njealjje álgaga mat leat báhcan.

Holst Vinka ja ovddeš čoahkkinjođiheaddji Paulus Kuoljok eaba leat ovttaoaivilis mo mošuvnnaid galggašii meannudit. Mánga ortnetgažaldaga oanehis áiggis. Holst Vinka mearrida baicca viđa minuhta bottu. Vai oažžut seammas riekta, dadjá son ja spoahkkala beavdái.

Veronica Håkansson (JoF) árvalivččii sáhtašiigo čoahkkima loahpahit ja evttoha máhcahit stivrii daid mošuvnnaid maid eai leat geargan meannudit dán dievasčoahkkimis. Holst Vinka ii leat áibbas ovttaoaivilis.

Paulus Kuoljok (SáR) reservere buot mošuvdnamearrádusaide maid gustovaš lávdegottit eai leat beassan meannudit. Su mielas lea boastut, ahte stivra beare vástida mošuvnnaide dievasčoahkkimis iige divtte lávdegottiid gieđahallat áššiid.

Anders Kråik (Sam) rámida čoahkkinjođiheaddji Daniel Holsta barggu dievasčoahkkima oktavuođas. Vástádus čoahkkinjođiheaddjis lea muittuhus, ahte su namma lea Holst Vinka.

Guovssonástti Fia Kaddik ávžžuha stivrra gulahallat Sáminuorain áššis. Su mielas ii leat doarvái dušše vástidit mošuvdnii.

Mošuvdna Min Geainnus:
M 576, Handlingsplan för behandling och bemötande av
samiska ungdomars klimatångest

Marie Persson Njajta (Lpss) muitala ahte sii leat dahkan olu dearvvašvuođa-aššiin, ja evttoha dievaščoahkkimmii mearridit ahte stivra lea vástidan mošuvnna