Norgga bealde lea dát gávdnon 2004 rájis.
Jurdda lea ahte nuorat galledit skuvllaid ja muitalit sámi árbevieruid ja movt lea leat eamiálbmot.
Sáminuorra ruoŧa bealde lea bargan dáinna áššiin 2008 rájis. Okta sis guhte searvvai ruoŧa bealde leai Sáminuora dálá čálli Simon Lundmark Kuhmunen ja son galledii skuvllaid čakčabáji 2019:s.
-Oahpaheddjit dadje ahe sii eai ožžon dán máhtu dalle go sii gazze oahpu. Oahppit oaivvildedje ahte leai miellagiddevaš ja dagai dan eanet eallin go dat mii lea siidolahkis SO-girjjis, dadjá Simon Lundmark Kuhmunen.
”Nuorat ovddidit áššiid”
Nuorain ledje njeallje logaldallama beaivái mánnodagas bearjadahkii.
-Lea deaŧálaš ahte nuorat ožžot eanet máhtu Ruoŧa eamiálbmogis ja ahte ožžot oktavuođa eará nuoraiguin.
Muhto mannan vahku sámedikki dievasčoahkkin ii dohkkehan evttohusa álggahit fas dán doaimma jienaiguin 15-14.
Bivdo- ja guolástanbellodat ákkastalle ahte evttohus šaddá menddo divrras. Dievasčoahkkimis ledje maid áirasat geat oaivvildedje ahte nuorat eai galgga bargat dákkár áššiin.
– Leat nuorat geat ovddidit áššiid, dadjá Simon Lundmark Kuhmunen.