Sápmi
Sátnegirji lea juo geaktinládje vaikko ii leat vel go geahččaladdanveršuvnnas neahtas. Foto: SVT Sápmi

Dál digitáliserejuvvo Konrad Nielsena sátnegirji

Uppdaterad
Publicerad

Nielsena sátnegirji gávdno dál digitálalaččat ja fargga maid dego appan. John Anders Sikku gii lea bargan prošeavttain lea guhká háliidan dahkat appa Nielsena sátnegirjjis.

Konrad Nielsena sátnegirji lea digitáliserejuvvon. John Anders Sikku, gii barga dáinna, muitala ahte sus lea stuora giellaberoštupmi.

-Lea guhka leamaš mu niehku digitáliseret dán sátnegirjji appan, muitala Sikku Yle Sápmái.

Dahkkon 1900-logus

Sátnegirji lea čállon álgogeažis 1900-logus ja lea oallugiidda leamaš deaŧalaš reaidu.

Nielsen lea čoaggan boares sámi sániid mat leat jorgaluvvon sihke dárogillii ja eaŋgalasgillii.

Ain geahččaladdanáigi

Sátnegirji mii dál lea neahtas lea geahččaladdanveršuvdna, muhto dan sáhttá geaktit.

Go John Anders Sikku álggii dáinna bargguin moadde jagi dás ovdal de ledje sánit juo digitáliserejuvvon. Dát geahpidii barggu go i dárbbašan čállit daid, muitala son YLE Sápmái.

-Mon sáhtten de dahkat neahttii ovtta siiddu ja mon galggán maid almmuhit dan appaveršuvnnas, muitala Sikku

Relaterat

Så arbetar vi

SVT:s nyheter ska stå för saklighet och opartiskhet. Det vi publicerar ska vara sant och relevant. Vid akuta nyhetslägen kan det vara svårt att få alla fakta bekräftade, då ska vi berätta vad vi vet – och inte vet. Läs mer om hur vi arbetar.