Duortnusleagilaččat ilmmuhit Anders Sunna bolesii: ”Loavkidit min”

Uppdaterad igår 12:17

Publicerad igår 09:18

Dáiddár Anders Sunna ja Julevu gielda leat šaddan bolesáššit čájáhusain mii dál lea oaidninládje Kulturens hus.

Ruoŧa Duortnusleagilaččaid riikasearvi (STR) lea loavkiduvvon.

-Dát lea čielga loavkideapmi ja cielaheapmi min unnitloguálbogii, dadjá ságadoalli Eva Kvist NSD:ii.

Anders Sunna lea okta dain sámi dáiddáriin guhte issorasat rámiduvvo.

Son oassálastii davviriikalaš paviljonggas dáiddabiennalas Venedigis 2022:s. Jagi maŋŋel son oaččui guhkesáigásašstipeandda logi jagi ovddos Konstnärsnämndenis.

Davvisámegiella

Kvist: ”Mus lea váivi”

Son boktá maid dovdduid iežas politihkkalaš dáidagiiguin. Muhto ná garra dovddut eai leat baljo leamaš ovdal, go veardida su dálá čájáhusain.

Son lea govvidan máŋga deaŧálaš váinni ja olbumid mat ain ellet Duortnosleagis. Okta sis lea STR:a ságadoalii Eva Kvist.

-Mus lea váivi. Mon geahččalan njulget boastuvuođaid mat leat dahkkon min álbmoga vuostá. Olbmot atnet daid gováid unohassan ja dovdet ahte dat lea áitta min álbmoga vuostá, dadjá son NSD:ii.

Ruoŧa Duortnusleagilaččaid Riikasearvi lea ilmmuhan sihke dáiddara ja gieldda bolesiidda cielaheami ja bilkideami dihte. Sii oaivvildit ahte Sunna dáidagat loavkidit duornusleagilaččaid.

Sunna: ”Dát lea positivvalaš”

Anders Sunna ii heađástuva dáinna.

-Dát čuovvu mu plánaid ja lean postiivvalaš. Muhtin áššiid ferte čalmmostahttit ja mon ledjen hui vissis ahte dát bokta fuomašumi. Dát lea dárbbaslaš go oktage ii dán fuomášuhte, dadjá son NSD:ii.

Son joatká:

-Cájáhusas lea sáhka fámus guhte galga muitalit iežas historjjá ja goas ii heive ahte čalmmostahttit dien nuppi historjjá.

Anders Sunna dáidda lea dávjá govvidan su sogá dáistaleamidoalahit boazomearkkaid. Julevu čájáhus lea dárkkuhuvvon duortnusleagilaččaide, sámediggái ja ruoŧa eiseválddide.

Davvisámegiella

Relaterat

Så arbetar vi

SVT:s nyheter ska stå för saklighet och opartiskhet. Det vi publicerar ska vara sant och relevant. Vid akuta nyhetslägen kan det vara svårt att få alla fakta bekräftade, då ska vi berätta vad vi vet – och inte vet. Läs mer om hur vi arbetar.