Juovlamánu 1 beaivvi lea vuostašcájálmas dán jagáš juovlakaleandaris ”Muohtaniegut” SVT:as.
Ja vuostaš gearddi lea dáhpáhus sámi veaga siste geat jođihit čuoiganbáikki ja go fáhkka ovtta dálvvvi ii boađe muohta. Juohke eará sájis lea muohta, muhto ii sin duoddaris. Ristin ja Áila, nieiddat veagas, seahkaneaba árvitmeahttun dáháhussii ja soai galgaba čielggadit mii lea dáhpáhuvvan.
– Dán jagáš juovlakaleandar lea klassihkalas máinnas mas lea dat maid olmmoš vuordá juovlakaleandaris ja seammas beassat oaidnit máilmmi maid ovdal eai leat oaidnán, dadja Göran Danasten, buvttadeaddji SVT Dramas.
Dán jagáš juovlakaleandara leaba Jonas Wallerström ja Jacob Seth bagadallan.
– Muohtanieguin mii háliidit váldit geahččiiid gelddolaš juovlamátkái dovdameahttun, gelddolaš máilmmiide, sihke dakkariid maid mii basttit oaidnit ja dakkariid maid eat oainne. Doppe leat maid árvádusat, ulddat ja luonddu oavdudagut. ja sii geat gehččet loahpa rádjái ožžot várra vástádusa Gavmoduoddara čiegusvuođain , soai dadjaba.
Sámi luŋkarahpan
Earret eará nektet Ellá Márge Nutti, Hedvig Åhrén, Anna Åsdell, Christine Meltzer, Olle Sarri, Pávva Pittja, Nik Märak, Måns Nathanaelson Shirley Clamp ja Olov-Anders Sikku.
Dán jagáš juovlakaleandara luŋkaráhpáma láidesta Malin Olsson.
SVT Playas lea maid sámi luŋkarahpan gos muitalit muitalusaid sámi mytologiijas. Ja dan láidesta Marit Kuhmunen Blom.
SVT Playas gávdno máid dubbejuvvon Muohtaniehku máttasámegillii ja teaksta davvisámegilli.