Sápmi
Giellagáldu räddas kvar minst ett år.

Javascript är avstängt

Javascript måste vara påslaget för att kunna spela video
Sámedikki stivraságadoalli Håkan Jonsson ja Giellagáldu direktevra Mika Saijets. Foto: SVT

Giellagáldu gáddjojuvvo – dat váikkuha iežá kulturdoaimmaid

Uppdaterad
Publicerad

Giellagáldu bisuhuvvo dálá hámis goit ovtta jagi vel, muhto dat váikkuha iežá kulturdoaimmaid Sámedikkis.

– Dađibahábut šaddet iežá doaimmat gillát go ná lea šaddan, dadjá stivraságadoalli Håkan Jonsson.

Giellagálddu boahtteáigi lea leamaš eahpečielggas olles čavčča maŋŋel go diehtu bođii ahte ruoŧa ráđđehus ii šat áiggo ruhtadit Giellagálddu vihtta miljovnnain.

– Mon lean dieđusge movttet dasa ahte Sámediggi vuoruha sámegielaid ja oaidná árvvu barggus maid mii bargat, dadjá Mika Saijets, Giellagáldus.

”Fertet bargat garrasit boahtte jagi”

Boahtteáigi ii leat čovdojuvvon. Ruhtadeapmi lea boahtte jahkái muhto movt šaddá boahttevaš jagiide lea eahpečielggas, meidne Saijets.

– Vaikko mii leat bargan šaddat bistevaš organisašuvdnan de mii eat dieđe leago mis ruhtadeapmi sajis ja dainna fertet bargat garrasit boahtte jagi, son dadjá.

Logi proseantta olles kulturbušeahtas

Ruhtadeapmi Giellagáldui ferte váldojuvvot kulturlávdegotti bušeahtas. Stivraságadoalli Håkan Jonsson meidne ahte lea mearrádus maid lávdegoddi ferte váldit ja ii dievasčoahkkin.

Dat boahtá váikkuhit iežá kulturdoaimmaide. Jonssona jelgii dat mearkkaša sullii 2 miljovnna ruvnnu, mii muđui livčče mannan iežá doaimmaide. Dat vástida birrasii 10 proseantta olles kulturbušeahtas.

– Kulturlávdegotti bušeahta lea dal juo rašši ja dát mearkkaša ahte iežá doaimmat bohtet váikkuhuvvot, dađibahábut, dadjá Håkan Jonsson.

Relaterat

Så arbetar vi

SVT:s nyheter ska stå för saklighet och opartiskhet. Det vi publicerar ska vara sant och relevant. Vid akuta nyhetslägen kan det vara svårt att få alla fakta bekräftade, då ska vi berätta vad vi vet – och inte vet. Läs mer om hur vi arbetar.