Sápmi
Borgemánus Sámi giellaguovddáš lágida guokte gielladeaivvademiid nuoraide. Foto: SVT

Giellaleaira nuoraide

Uppdaterad
Publicerad

Sámi giellaguovddáš áigo lágidit giellaleairra Johkamohkis ja Liksjoes nuoraide geat leat gaskal 14-15 jahkásačča ja geat háliidit nannet sin sámegiela.

– Mii lágidit čoahkkananbáikki nuoraide, šaddá dego giellaarena gos besset gullát, hupmat, nannet, loktet ja čalmmustit giela, dadjá Sámi giellaguovddáža ossodathoavda Sara Omma Simma.

Manai hui bures

Lea nuppát jahki go sámi giellaguovddáš lágida giellalávguma nuoraide. Sierralágán doaimmaid ja workshopaid bokte ožžot nuorat vejolašvuođa nannet iežaset giela.

– Ovddit jagi manai hui bures, mii leimmet ráhkkanan váldit vuostá oalle olu, muhto lea váttis gilvalit visot eará doaimmaiguin ja olu nuorain lea geassebargu, dadjá Sara Omma Simma.

Dorvvolašvuohta guovddážis

Borgemánu 12-15 beivviid lágiduvvo gielladeaivvadeapmi mii lassin giellabargui maiddái bargá joavkohuksemiin gos ulbmil lea ráhkadit dorvvolaš giellabirrasa. Earuhus ovddit jagis lea ahte dán jagi bohtet deaivvadeamit lágiduvvot guovtti báikkiin Sámis. Johkamohkis gávdno vejolašvuohta oahppat sihke julev- ja davvisámegiela ja Liksjoes ubmi- ja biđumsámegiela.

– Gielain lea erohus, danin mii leat sirren daid. Čakčat mii boahtit
lágidit lullisámi giellaleairra, dadjá Sara Omma Simma.

Relaterat

Så arbetar vi

SVT:s nyheter ska stå för saklighet och opartiskhet. Det vi publicerar ska vara sant och relevant. Vid akuta nyhetslägen kan det vara svårt att få alla fakta bekräftade, då ska vi berätta vad vi vet – och inte vet. Läs mer om hur vi arbetar.