Movt gilvu doaibma?
Sámi Grand Prix lea duohta ságáin guokte musihkkagilvvu mat leaba bidjon oktii ja diibmu 20.15 sáhtta gilvvu geahččat SVT Sámis, SVT Playas ja SVT24.
Artisttat gilvalit guovtti oasis – lávlun ja juoigan. Vuoiti almmuhuvvo goappaš oasis.
Álggus gullat daid guhtta lávllu ja maŋŋel dan de sáhtát jienastit dan guhte háliidat galgá vuoitit.
De min gullat daid guhtta luođi ja go sin leat geargan de sáhtát jienastit dan guhte háliidat galgá vuoitit. Go visot artisttat leat ovdanbuktán iežaset lávlagiid ja luđiid de čielggadit mat njealje artisttat (guovttis juohke gilvooasis) leat ožžon eanemus jienaid. Maŋŋel dan de álgá gollefinála gos dat artisttat geat leat ožžon eanemus jienaid fas juoget ja lávlot. Maŋŋel gollefinála de oaččut fas jienastit ja dalle mearriduvvo vuoiti.
Geat gilvalit?
Oassálastit leat musihkkarat sihke ruoŧa-,, norggas-ja suoma bealde Sámis. Eambbo sin birra gávnnat dás.
Movt mon jienastan?
Ruoŧas jienastat Melodifestivalena áppas. Don it sáhte go vihtti jienastit dan masa liikot, dego ruoŧa Melodifestivalenis, Jienasteapmi rahppo diimmu ovdal gilvvu. Áppás sáhtta dušše Ruoŧasjienastit
Ruoŧa ja Norgga jienasteapmi gidde seamma áiggi. Čuoggáid rehkenastet oktii jienaid mat bohtet ruoŧas, norggas ja juryn.
Gos lágideapmi lea?
Sámi Grand Prix lágiduvvo Báktehárjjis, Guovdageainnus.
Maid vuoitit ožžot?
Goappaš gilvooasi vuoitit oažžuba trofea ja 20 000 norgga ruvnna. Soai geat boahtiba nubbin oažžuba 10 000 norgga ruvnnu. Gilvu sáhttá maid leahkit karrieara álgu. Ovdalaš vuoitit leat earet eará Sofia Jannok geas lea leamašan buorre musihkkakarrieara.
SVT buvttada Sámi Grand Prix
2024 lea SVT mielbuvttadeaddji Sámi Grand Prixas ja dan oktavuođas lea gilvu molson ruoŧagielnama Samiska Melodifestivalenii. Dat mearkkaša ahte dán jagi sáhtat jienastit Melodifestivalena almmolaš áppas ja gilvvus lea vuosttaš gearddi njuolggosátta maiddái SVT24.