Stäng
Sápmi
Sofia Jannok

Javascript är avstängt

Javascript måste vara påslaget för att kunna spela video
Foto: SVT

Jannok okto lávddi nalde Nomad-čájálmasas: ”Lossat okto bargat”

Uppdaterad
Publicerad

Salamanca Taikon Gonzalez lea skihppán ja ii leat sáhttán leahkit mielde ”Nomad”-čájálmasas.

Sofia Jannok lea váldán goappes rollaid vai eai dárbbaš bissehit čájálmasaid.

-Mon váillahan su hui olu, dadja Jannok.

Njukčamánu álgogeažis lei ”Nomadas” vuosttaščájálmas.

Soai leaba mátkkoštan miehta riika muhto maŋemus čájálmasain leat leamaš váttisvuođat. Mannan vahku fertejedje bissehit guokte čájálmasa Malmöas go Salamanca Taikon Gonzalez skihppái.

Váttisvuođa leat čoavdan dainnalágin ahte Sofia Jannok váldá goappes rollaid, lávdde nalde lea maid flamencogitárračuojaheadji Robert Svärd.

-Dieđusge dat lea lossat okto bargat. Dat mii lea leamaš nu somá lea ahte moai letne goappešagat muitalan Nomad-perspektiivvas guovtti bealis muhto dál mon ferten muitalit su oasi, dadja Jannok SVT Sápmái.

”Váillahan su hui olu”

Lávvordaga lei viđát geardi go Jannok čuoččui okto lávddi nalde go čájálmas lei Tidaholmas.

-Publihkka lea váldán min ja min muitalusaid nu fiidnaid vuostá, ii beare dál go lean okto muhto olles čájálmasmátkis. Mon geahččalan maid muitalit dan romalaš perspektiivvas, maid Salamanca ja su veahka leat vásihan, sihke daid buriid ja baháid. Vikkán gudnejahtit su eallinmuitalusa nu buoragit go sáhtán muhto dieđusge váillahan su hui olu, dadja Jannok.

Čájálmasmátki joatká distaga Göteborggas, gos loahpahit daid 13 čájálmasa, ja dalle lea Salamanca Taikon Gonzalez fas lávddi nalde.

Relaterat

Så arbetar vi

SVT:s nyheter ska stå för saklighet och opartiskhet. Det vi publicerar ska vara sant och relevant. Vid akuta nyhetslägen kan det vara svårt att få alla fakta bekräftade, då ska vi berätta vad vi vet – och inte vet. Läs mer om hur vi arbetar.