– Dát ii leat bahán gevttojuvvon ja lea suige 100 jagi boaris. Dat lea dološ Váhčir-gákti muhto in dieđe jos dat doalla deaivasa. Dál min beassat gullat mii dat lea, dadjá Kent Eriksson, Kungsbackas eret.
Makkar árvu don doaivvut ahte das lea?
– Das in beroš. Dat ii boađe goassige jávkat stobus – ever!
Seamme áiggi go lei sarvvabivdu
Antikrundan bođii seamme áiggi go lei sarvvabivdu. Pernilla Månsson Colt, guhte lea buvttadeaddji, šurai ahte olbmot eai boađe iežas diŋggaiguin. Muhto dasa ii lean dárbu, ráidu gávppotvissui lei goitge guhkki.
Mu mielas dat lea somá bohtit davás, dáppe min beassat oaidnit ollat eará diŋggaid go oarjan. Dáppe lea leamašan iežálágán gávppašeapmi ja dáppe leat maid unnitloguálbmogat, dadjá son.
Stuora ja una
Sihke stuora ja una diŋggat árvvoštallojuvvojedje. Ovdamearkadihte távvalat maid Björn Haraldsson, bajásšaddan Gironis, lei váldán mielde.
– Mis leat olu dákkár una távválat ja eat dieđe maid daiguin dahke. Lei go dušše alcces hearvan vai vuvde go daid?
Makkar árvu don doaivvut ahte das lea?
– Dat ii leat dehálaš. Deháleamos lea ahte dat bohtet báikái gos seilot, dadjá Björn Haraldsson.
Bearjadaga lei bádden, muhto tv-geahččit fertejit vuordit boahtte jagi álgogeahčai ovdal go oidnet bohtosa.