Daŋasšattut lassánit dálkkádatrievdadeamiid geažil.
Našuvnnalaš eanadatlohkan lea earret eará geahččan duottaršaddodaga 20 jagi, ja dat čájeha ahte duoddaris šaddet eanet miestagat.
– Mii oaidnit ahte daŋasšattut leat ihtan vel badjelii duoddaris ja leat lassánan go leat lieggasit ilmmit. Man johtilit dat muktása lea báikkis báikái, dadjá Johan Olofsson, šaddoekologiijaprofessor Ubmeje universiteahtas.
Mađi láktásit dađi buorebut
Johan Olofsson lea dutkan duoddara šaddodaga badjel 30 jagi ja son muitala ahte šaddodat lea rievdan juohke sajis muhto lea erohus šattuid gaskás.
– Eanamusat mii oaidnit ahte šattut lassánit gos lea lávttas go veardida báikkiin gos lea goikkis.
Ii šura ahte jeagil jávká
Olofsson ii jáhke ahte daŋasšattut duvdet eret jeahkaliid.
– Eat oainne ahte daŋasšattut áitet iežá šattuid. Šaddodat lea oppalaččat lassánan ja lea šaddan eanet ruonis, dadjá Olofsson.
Muhto guhkit áigái sáhttá lassáneapmi buktit váikkuhusaid.
– Jus šadda lieggasit de mii oaidnit stuora rievdadeamiid duottarmáilmmis.
Ja vel guhkit áigái sáhttet šaddat stuora váikkuhusat.
– Dat muktaseamit maid mii otne oaidnit sáhttet duvdit eret dan lunttolaš šaddodaga duoddaris mii ferte sirdit vel badjelii vai ollat jávkát, dadjá Johan Olofsson.
