Ruoŧademokrahtat doalahit sin golbma mandáhta EU-parlameanatas muhto sis ledje stuorit vuordámušat. Bellodaga mihttu leai šaddat nubbin stuorimus bellodat muhto ii ožžon eambbo go 13,2 proseanta jienain. Sosialdemokráhtat ožžo eanemusta jienaid, 24,9 proseanta, unna lasahus 2019:s EU-válggain.

Nubbin stuorimus bellodat leai Moderahtat, 17,6 proseanta, ja Birasbellodat šattái goalmmát stuorimus bellodat, mii leai veaháš hirpmáhahtti, 13,8 proseanta. Jus veardida válggaid 2019:s de ovdánii Gurutbellodat 4,1 proseantain ja loahpaboađus šattai 10,9 prosenata.

Mánnodatiđiđa go 6 175 bire 6 589 válgabires ledje lohkkon de leai jur dan nalde ahte Liberalat eai šaddan eret parlamenatas. Sii ožžo 4,4 proseanta.

Guovddášbellodat ja Risttálašdemokráhtat mánne maŋos mannán válggaid ektui ja ožžo 7,3 ja 5,7 prosenata jienain.

Guovddášbellodat doalaha guokte mandáhta muhto Risttálašdemokráhtat masse ovtta guovtti mándáhtas.

Ođđa bellodat Folklistan, Jan Emanuel ja Sara Skyttedal njunnosis, ii ožžon mándáhta EU-parlamentii.

”Iežát” gosa Folklistan gullo eai ožžon go 2,2 proseanta jienain.

– Mii dagaimet min buoremusa rievdadit muhto dán háve ii lihkostuvván, Jan Emanuel dadjá.

Válgaeiseválddi jelgii jienastedje 50,7 proseanta ja EU-válggaide 2019:s jienasteddje 55 proseanta.

Loahpageažis dán vahku lea válgaboađus válmmas.

Čuovo jienastuslohkama SVT:a válgaboađusfáláldagas.