Sápmi
Naadja Edlund Östergren är ny ordförande i Sametingets språknämnd.

Javascript är avstängt

Javascript måste vara påslaget för att kunna spela video
Naadja Edlund Östergren lea giellalávdegotti ođđa ságadoalli. Foto: Stefan Karlsson/SVT Sápmi

Ođđa namat máŋggain virggiin Sámedikkis: ”Buorre dovdu”

Publicerad

Sámedikki dievasčoahkkin Váhčiris gieđahalai gaskavahku máŋggaid válgaáššiid.

Giellalávdegotti ođđa ságadoalli lea Naadja Edlund Östergren.

Dán čavčča dieđihii Ulla-Karin Sarri, Bivdo- ja guolástansámiid bellodagas, ahte guođđá iežas saji stivrras. Su sadjái válljejuvvui Josefina Skerk.

Johan Hedemalm, Bivdo- ja guolástansámiid bellodagas, váldá Sarri saji giellalávdegottis ja Naadja Edlund Östergren, Landspartiet Svenska Samer bellodagas, válljejuvvui ođđa ságadoallin lávdegoddái.

– Lea buorre dovdu, son dadjá.

Naadja Edlund Östergren lei válgaválbmenjoavkku áidna evttohas giellalávdegotti ságadoallin.

– Leat olu hástalusat ja Giellaguovddáža ruhtadeapmi lea okta dain stuorimus hástalusain, dadjá Naadja Edlund Östergren.

Ođđa lahtut ja ságadoalli

Helena Dådring, Vuovdegat bellodagas, lea ođđa ságadoalli Dearvvašvuođa-, boarrásiid- ja valáštallanlávdegottis, ja Marita Granström, Bivdo- ja guolástansámiid bellodagas, lea ođđa lahttu lávdegottis maŋŋel go Margareta Påve heittii mannan mánu.

Marianne Gråik, Sámiid riikkabellodagas, válljejuvvui stivralahttun ja lahttun Sámi parlamentáralaš ráđis (SPR) Per Olof Nutti sadjái, gii dal lea Sámiráđi presideanta.

Per Eric Kuoljok ja Maidi Steinfjell válljejuvvuiga fásta lahttun Giellagáldu stivrii.

Boahtte jagáš dievasčoahkkimat

Dievasčoahkkimis mearriduvvui maid gos dievasčoahkkimat galget dollojuvvot boahtte jagi. Vuosttaš dievasčoahkkin lea Sjädtavaellies guovvamánus, nubbi lea Biŧomis borgemánus ja maŋemus lea Gironis skábmamánus.

Boahtte jagi leat Sámedikki válggat miessemánu 18 beaivvi.

Relaterat

Så arbetar vi

SVT:s nyheter ska stå för saklighet och opartiskhet. Det vi publicerar ska vara sant och relevant. Vid akuta nyhetslägen kan det vara svårt att få alla fakta bekräftade, då ska vi berätta vad vi vet – och inte vet. Läs mer om hur vi arbetar.