Sápmi
Laevas čearru ožžo buhtadusa ruvkedoaimma váikkuhusain boazodollui ođđa ovttasbargošiehtadusas ruvkkefitnodagain Viscarian. Vuorkágovva. Foto: Per Larsson/TT

Ođđa ruvkešiehtadus- čearru váldá váidaga ruovttoluotta

Publicerad

Ruvkefitnodat Viscaria ja Laevas Čearru eaba leat soabadan. Dál

leaba oassebealit dahkan ovttasbargošiehtadusa Viscariaruvkkis Gironis.

Ruvkefitnodat Viscaria ja Laevas čearru leaba vuolláicállán ovttasbargošiehtadusa Viscariaruvkkis Gironis.

Šiehtadus siskilda dan ahte Laevas čearru ožžo buhtádusa ruvkedoaimma váikkuhusain boazodollui Viscariaruvkki dihte. Dasa lassin áigo Leavas čearru váldit ruovttoluotta váidaga Viscaria biraslobis maid eanan ja birasduopmpstullo lea addan.

”Mon lean hirbmat ilus go mis dál lea šiehtadus ja mii sávvat buori ovttasbarggu Laevas čearuin ráhkadit buriid eavttuid sihte ruvkedoibmii ja boazodollui. Mii joatkit iežame barggu vai sáhttit ruvkki rahpat 2026:s”, dadja Jörgen Olsson, Viscaria hoavda preassadieđahusas.

Šiehtadus lea 15 jahkkái ja dan sáhttá oassebealit guhkidit, Laevažis goit lea njuolggus ovdagihtii botket šiehtadusa.

”Laevas čearru lea odne váldán stuora ja váttis mearrádusa go lea válljen ovttasbargat Viscarian. Mii sávvat buori ságastallamiid fitnodagain ovddosguvlui”, dadja Niila Inga, Laevaža čearu sátnejodiheaddji preassadieđahusas.

Relaterat

Så arbetar vi

SVT:s nyheter ska stå för saklighet och opartiskhet. Det vi publicerar ska vara sant och relevant. Vid akuta nyhetslägen kan det vara svårt att få alla fakta bekräftade, då ska vi berätta vad vi vet – och inte vet. Läs mer om hur vi arbetar.