Eai šatta rievdadusat sidjiide geat jo vázzet duodjeoahpahusa Johkamohkis. Muhto skuvla ii váldde ođđa oahppiid dán oahpahussii ovdal go boahtte jagi.
Sivvan lea go skuvla ođasmahttá oahpahusplána ja háliida áiggi bidjat visot rievdadusaid sadjái.
– Min fertet álo geahččat bearrái sámi servvodaga dárbbuid ja heivehit iežamet daidda. Dát lea hui dehálaš oassi skuvlla ovdáneamis, dadjá Matilda Burman, doaimmahushoavda ja skuvlajođiheaddji, preassadieđáhusas.
Sii geat jo leat lohkan jagi dahje guokte besset ain ohcat skuvlla joatkkaoahpahussii dán čakčii.
Skuvla jáhkká ahte visot lea dego dábálaš čakčalohkanbadjái 2026 – muhto dalle lea ođđa ja buoriduvvon oahpahus.
– Dat addá midjiide áiggi dahkat duodjeoahpahusa nu buorre go vejolaš, dadjá stivrraságadoalli Mariana Wiik.